സത്യം തേടീട്ടലഞ്ഞൂ
ഭുവനമഖിലവും നഷ്ടമായിത്ര കാലം
നിത്യം നിന്നെ സ്തുതിക്കാ-
തിവിടെയമരുവാന് കഷ്ടമെന്തേ വിധിച്ചൂ
സത്യത്തിന് രൂപമായി-
ട്ടമരുവതുലകില് നിന് കൃപാവര്ഷമൊന്നീ
സത്യം കാണാതിരിക്കാന്
മമ മിഴി ഭഗവന്നെന്തിനായ് നീ മറച്ചൂ
മുന്നില് ക്കാണുന്നതാമീ-
യുലകമതിലെഴും ജീവജാലങ്ങളായി-
ട്ടെന്നും ഞാന് കാണ്മതെല്ലാ-
മടിയനുഭഗവാനെന്നു കാണായ് വരേണേ
എന്നും മേ മാനസത്തില്
തെളിയുവതഖിലം കൃഷ്ണ! നീ മാത്രമാട്ടേ
യെന്നല്ലാതെന്തുഭാഗ്യം
വരണമവനിയില് മോദമോടേ വസിക്കാന്
പ്രചോദനം ശ്രീമദ് ഭാഗവത സംഗ്രഹം (ഉണ്ണികൃഷണൻ വാരിയർ, Facebook)
No comments:
Post a Comment