താനാരിതെന്നോരുചോദ്യവുമായ് പണ്ടു
താമരനൂലിലൂടെത്തിരഞ്ഞുപോല്
താമരകണ്ണന്റെ നാഭിപത്മത്തിലെ
താനേപിറന്നൊരാതാരകബ്രഹ്മവും
താനാരിതെന്നോരുചോദ്യവുമായിന്നും
താനാരിതെന്നതും തെല്ലറിയാതെയും
തേടിയലഞ്ഞിങ്ങുപാരം വലയുന്നു
താനെന്നഹന്തതന് മായയില് വീണവന്
തന്നെയറിയുവാന് താനെങ്കിലും വേണം
താനെങ്കിലും തന്നെ താനേയറിയണം
താനെന്നുതന്നിലെ താനെയറിയുമ്പോള്
തന്നിലെതാനായിട്ടെന്നെയറിഞ്ഞിടും
No comments:
Post a Comment