ഇന്ന് പൂര്ണ്ണത്രയീശന്റെ ഉത്രം തിരുനാളാണ് എന്നാണ് അറിവ്:
ഉത്രം നാളായി ചിത്തം തവ പദമലരിന് ഭക്തിയാം തേന് നിറഞ്ഞി-
ട്ടെത്താനേറെ ക്കൊതിച്ചിട്ടമരുവതറിയുന്നില്ലയോ ശ്രീഹരേ നീ
ഭക്തര്ക്കാനന്ദമേകുന്നടിമലരിണയെന് ഹൃത്തടേ കാണുവാനായ്
സത്യം മൂടുന്നമായാ മറയിനി കളയാനെത്തു പൂര്ണ്ണത്രയീശാ
വേദങ്ങള് നാലുമോര്ത്താ,ലറിവ,തു ഭഗവന് നിന് കൃപാവര്ഷമല്ലേ
വേദത്തിന് സാരമെന്നാല് മമ ഹൃദി തെളിയും സച്ചിദാനന്ദമല്ലേ
മോദം നല്കുന്നതാകുന്നൊളിയകമലരില് കാണ്മതാം സ്നേഹമല്ലേ
ഖേദം മാറ്റീട്ടു ചിത്തേ തെളിയുക സതതം ശ്രീഹരേ ഞാന് നമിപ്പൂ
No comments:
Post a Comment