വിണ്ണിനോട്

കണ്ണനെ പോല്‍ നിറമാര്‍ന്നതിന്നലെയോ

വിണ്ണേവം ഗര്‍ജ്ജിച്ചിടുന്നു നിത്യം

കാണാമിതെങ്ങും നിറഞ്ഞെന്നതിന്നാലോ

മാനത്തിനിത്ര മേല്‍ ഗര്‍വ്വു കാണ്മൂ

ലോകത്തില്‍ വെട്ടമേകുന്നതാമാദിത്യ-

നാകാശം തന്നിലുണ്ടായിരിക്കാം

മാനവമാനസം തന്നിലായുള്ളിരുള്‍

മാറ്റുവാനാവുകയില്ല തന്നെ

കണ്ണനെ പോലെന്റെയുള്ളിലണഞ്ഞെന്നും

കാരുണ്യമോടമരുകില്ലയെങ്കില്‍

മാനമേ നിന്റെയീമട്ടിലെ ദര്‍പ്പവും

വ്യര്‍ത്ഥമെന്നേ ചൊല്ലിടാവതുള്ളൂ