കവിയുമല്ലാ പാടും കിളിയുമല്ലാ ചൊല്ലാം
കുയിലുമല്ലാ ആടും മയിലുമല്ലാ, സത്യം
പാട്ടു നീ കേട്ടുവെന്നോ? പാടിയതില്ലല്ലോ ഞാന്
പാടുവാനറിയാത്ത പാഴ്മുളം തണ്ടെന്നോതാം
പാഴ്മുളം തണ്ടിലൂടെ പ്രാണനെത്തീടുമെങ്കില്
കേള്ക്കുന്ന നാദമാകാം പാട്ടായ് നീ കേട്ടതെല്ലാം
പ്രാണനില്ലെന്നാകില് പാട്ടിതും നിലച്ചേപോം
പാടുവാനറിയാത്ത പാഴുമുളം തണ്ടല്ലേ ഞാന്
No comments:
Post a Comment