മുഞ്ചയെന്നവളന്ന് കേണതിന്നാലെയോ
പൂതനയ്ക്കേകി നീ മോക്ഷമന്ന് ?
സ്തന്യം പകര്ന്നവളെന്നതിനാലെയായ്
അമ്മയെ പോലെയെന്നാകയാലോ ?
നിന്നെ സ്മരിച്ചില്ല, മോഹപാശത്താലെ
നിന് നാമധാരിയാം പുത്രന്റെ പേര്
ചൊല്ലി വിളിച്ചന്ത്യകാലത്തജാമിള-
നെങ്കിലും മോക്ഷം നീയേകിയില്ലേ ?
പാപി, നിന് ജ്യേഷ്ഠരെ കൊന്നവനെങ്കിലും
മാതുലന് കംസനുമേകി മോക്ഷം
നിന് നാമമോതി കാലം കഴിച്ചവന്
ശത്രുഭാവത്തിലെന്നാവുകിലും
സൂകരമായ് പാതിമൃഗരൂപമായ് ഭക്ത-
മാനസം തന്നിലെ ചേതനയായ്
കാണും നിന് ഭക്തവാത്സല്യമെത്രമേല്
ഗൂഢമചിന്ത്യമെന്നോര്ക്കുന്നു ഞാന്
No comments:
Post a Comment