അപ്രിയമായൊരു സത്യപ്രകാശത്തെ
കാണുവാനാകാതെന് കണ്ണുമൂടി
കൂരിരുളേറ്റം പ്രിയമായി വരിച്ചു ഞാന്
എത്രയോ കാലം കഴിച്ചു കൂട്ടി
കര്മ്മങ്ങളായെന്റെ പുത്രന്മാര് നൂറുപേര്
ചെയ്തോരധര്മ്മമറിഞ്ഞതില്ല
കാലം കഴിഞ്ഞപ്പോള് കണ്ടു പകച്ചുപോയ്
കര്മ്മ ദോഷത്തിന്റെ ക്രൂരമുഖം
ഒക്കെയും തട്ടിതകര്ത്തതു കാലത്തില്
കൈകളാണെന്നറിഞ്ഞീടിലും ഞാന്
നിന്നെ പഴിച്ചിടുമ്പോഴുമിതെന്തേ നീ
മന്ദസ്മിതം തൂകി നില്പു മുന്നില് ?
No comments:
Post a Comment