കേവലസത്യം

താനെമിടിക്കുന്ന ചിത്ത, മാചിത്തം
താനെ ജപിക്കുന്ന മന്ത്രം
തന്നിലെതാനായു, മെന്നിലെഞാനായു
മെന്നുമിരിക്കുന്നസത്യം

താനെയിരിക്കുന്ന സത്യ, മകതാരില്‍
താനായിരിക്കുന്ന സത്യം
താനെന്നഞാനെന്നഭേദില്ലാതെല്ലാരുമേ
താനെന്നറിയുന്ന സത്യം

താനെന്നഹങ്കാരം മായുമ്പൊഴുള്ളിലായ്
താനെതെളിയുന്ന സത്യം
താനെന്നഹംബോധമാത്രപ്രകാശമായ്
തന്നുള്ളില്‍ കാണുന്ന സത്യം

താനെന്നും കാണുന്നലോകത്തെ
കാണുന്നതാനെന്നശാശ്വതസത്യം
തന്നെമറന്നിട്ടുതന്നില്‍ രമിക്കുന്ന
താനെന്ന കേവലസത്യം