ചന്തയല്ലിതു ക്ലാസാണെ
ന്നോര്ക്കയെന്നും പിന്നെ
അച്ചടക്കത്തോടിരിക്ക്യണം
നീ നല്സമൂഹത്തിലെന്നും
എന്നൊക്കെ പഠിപ്പിച്ചാ
ബാല്യവും കടന്നു പോയി
മാറിപോയി കാലമൊത്തീ
ഞാന് തന്നെ മാറിപോയോ
മാര്ക്കറ്റിന് പ്രിയമെന്ത്
അല്ലാത്തതുമെന്ത് ഇന്നു
മാര്ക്കറ്റില് വിലപേശും
മാനുഷ്യമൂല്യത്തിന്നും
അറിക മാര്ക്കറ്റിലി
ന്നെത്രമേല് ലാഭമെന്നും
മൂല്യമുയരുന്നതിന്
തോതിയിനിയെന്തെന്നതും
കോര്പൊറേറ്റ് ലോകത്തിലെ
ചില്ലിട്ട കൂട്ടില് നിന്നും
ഉയരുമെന്റെ ശബ്ദം
എനിയ്ക്കുമന്യമിന്നും
എങ്കിലും ഉയരുമാ
ശബ്ദമെന്നും കേള്ക്കാം
പഞ്ജരത്തില് ബദ്ധമായ
കിളിതന് മൊഴി തന്നെ
തെറ്റുയതെന്താകാം ഞാന്
പഠിച്ച പാഠങ്ങളോ
കാലത്തിന് ഗതിയ്ക്കൊത്തു
മാറാത്തൊരെന്മനസ്സോ
No comments:
Post a Comment