തെറ്റ്

തെറ്റില്ല, തെറ്റേത് ശരിയേതെന്നറിയായ്കില്‍

തെറ്റു പറ്റാത്തോരായാരുമില്ല

തെറ്റേത് ശരിയേതെന്നറിയുമെന്നാകിലും

തെറ്റു ചെയ്തീടുവതത്രെ തെറ്റ്

 

തെറ്റെനിക്കെങ്കിലുമിഷ്ടമാണെന്തെന്നാല്‍

തെറ്റെന്‍ പരിമിതി കാട്ടിത്തരുന്നുണ്ട്

തെറ്റിലുമേറ്റം ഭയമെനിക്കെന്നുമേ

തെറ്റില്ലയെന്നോരഹന്തയെന്നേ ചൊല്ലാം

 

തെറ്റില്ലയെന്നുള്ളഹന്തയാല്‍ ചെയ്യുന്ന

തെറ്റത്രെയെന്നുമേ ശോകത്തിലാഴ്ത്തുന്നു

പറ്റുന്നതെറ്റുകളൊക്കെ തിരുത്തുവാ-

നൊന്നുതാനാശ്രയം ദേശികകാരുണ്യം