ലളിത

ലക്ഷണം: തം ഭം ജരങ്ങള്‍ ലളിതാഖ്യവൃത്തമാം
--0/-00/0-0/-0-

നോവേറെയുള്ള മനതാരിനൊന്നുമേ

യാവുന്നതല്ല തെളിവോടെചൊല്ലുവാന്‍

"പോവാമിതൊക്കെ വെറുമോര്‍മ്മമാത്രമാ"-

യേവം നിനച്ചു മരുവുന്നതേ ചിതം

 

പോവേണ്ടതാണു ധര വിട്ടു, സത്യമാ,-

ണീവാഴ്വിലാരുമമരില്ലനിത്യമായ്

മേവുന്നകാലമപരന്നുനന്മ നീ-

യാവും വിധേന കരുതുന്നതേ ചിതം

 

വീഴുന്നു മര്‍ത്ത്യമനമേറെ നോവിനാ-

ലാഴുന്നുവെന്നുവരുമെങ്കിലീശ്വരീ

ആഴിപ്പരപ്പിലൊരുമുക്തിനാവമായ്

താഴാതെ കാക്കുവതിനെത്തണേ സദാ

കത്തുന്ന നോവിലുഴലുന്നവര്‍ക്കു വ-
ന്നെത്തുന്ന നിന്‍  കനിവുതാനൊരാശ്രയം
ചിത്തത്തിലായ് തിരി തെളിച്ചു കന്യയാം
മാതാവിനേകിടുവതിന്നു വന്നിതാ

 

താരാപഥത്തിലലയുന്നതായതാം

താരത്തിനുള്ളമെരിയുന്നതുണ്ടു പോല്‍

ആരാകിലെന്തു വിധിമാറുകില്ലയീ

നേരോര്‍ക്കടോ നിജമിതെന്നുമാര്‍ക്കുമേ