ആനന്ദമാണു പോല് സത്യം
ദുഃഖമോ മാറിടുന്നതും
ആഴിയേ കാണുവെന്നെന്നും
കാണും തിരയടങ്ങിടും
വാണി! നിന് ചരണാബ്ജത്തില്
വീണു ഞാന് പ്രണമിച്ചിതാ
പ്രാണനാ,യീമുളംതണ്ടി-
ന്നീണമായണയൂ സദാ
മാലിന്യമുള്ളതായ് കണ്ടാല്
കൈവിട്ടീടാവതോ വിഭോ ?
മാനസം തന്നിലായ് നിത്യം
കാണുമാറായ് വരേണമേ
മാലിന്യമറ്റതായില്ല
പാര്ത്താല് ലോകത്തിലൊന്നുമേ
ലോകമീദേഹവും, കൃഷ്ണാ!
പങ്കമേറ്റം നിറഞ്ഞതാം
എങ്കിലും ചൊല്ലിടാം കണ്ണാ
മോഹമുണ്ടേവമെന്നിലായ്
ത്വദ്ഭക്തിപത്മമൊന്നെന്നില്
കാണുമാറാകണേ സദാ
പങ്കമുണ്ടെങ്കിലും ഭക്തി
പത്മമായ് കണ്ടുവെങ്കിലോ
നിന്റെ പാദാരവിന്ദത്തി-
ലര്പ്പിക്കാന് വരമേകണേ
മഹിഷാസുരനേ പോലെ
ദര്പ്പമെന്നു പറഞ്ഞിടാം
മായാബലത്തിനാലയ്യോ
മാറുന്നു രൂപമെന് സഖാ
നിഗ്രഹം ചെയ്യുവാനുള്ളില്
ജ്ഞാനസിം ഹത്തിലേറിയാ
ദേവി വന്നിടുമെന്നാലേ
സാദ്ധ്യമാവുകയുള്ളെടോ
നാനാമോഹത്തില് നീറുന്നീ
ഞാനെന്തുണ്മയറിഞ്ഞെടോ
ഞാനെന്നതകലാതിങ്ങു
ജ്ഞാനമുണ്ടാകയില്ല പോല്
താനെന്നതകലില്ലെങ്കില്
നാമെന്നതുമണഞ്ഞിടാ
നാമെന്നു കരുതില്ലെങ്കില്
നോവും തെല്ലുമകന്നിടാ
വിസ്മയാകാരമാം വിശ്വം
വൃക്ഷം പോലെന്നു കാണുകില്
വൃക്ഷത്തില് വേരു മേലേയും
ശാഖകീഴേയുമാണു പോല്
പ്രചോദനം (തര്ജ്ജമയല്ല):
ഊര്ദ്ധ്വമൂലമഥശാഖം
അശ്വത്ഥം പ്രാഹുരവ്യയം
ഛന്ദാംസി യസ്യ പര്ണ്ണാനി
യ തം വേദ സ വേദവിത്
അഹിംസയൊരുപൂവായും
മറ്റൊന്നിന്ദ്രിയനിഗ്രഹം
സര്വ്വഭൂതദയാപുഷ്പം
ക്ഷമാപുഷ്പവുമോര്ക്കെടോ
ജ്ഞാനപുഷ്പം തപോപുഷ്പം
ശാന്തി, സത്യമിതീവിധം
വിഷ്ണുപ്രീതിയ്ക്കു ചേരുന്ന
പുഷ്പമെട്ടെണ്ണമായെടോ
പ്രചോദനം :
അഹിംസാ പ്രഥമം പുഷ്പം
പുഷ്പം ഇന്ദ്രിയനിഗ്രഹ:
സര്വഭൂതദയാപുഷ്പം
ക്ഷമാപുഷ്പം വിശേഷതഃ
ജ്ഞാനപുഷ്പം തപോപുഷ്പം
ശാന്തിപുഷ്പം തഥൈവ ച
സത്യം അഷ്ടവിധം പുഷ്പോഃ
വിഷ്ണോഃ പ്രീതികരം ഭവേത്
നല്ലതായുള്ള കാര്യങ്ങള്
നല്ലോണമറിയുമ്പൊഴേ
നല്ല ബുദ്ധിയുദിച്ചീടൂ
നല്ലതും സംഭവിച്ചിടൂ
വിരിഞ്ഞ മലരില് സ്വയം
കിനിഞ്ഞ മധുവെന്ന പോല്
കനിഞ്ഞു വരികെന്നുള്ളില്
നിറഞ്ഞു ശിവനന്ദിനീ
============
(No meter)
നല്ലതായുള്ളതെന്തെന്നാല്
നല്ല പോലറികെന് സഖേ
എല്ലോര്ക്കും നലമേകിടും
നല്ലതാമറിവെന് സഖേ
No comments:
Post a Comment