പ്രാരബ്ധകര്മ്മഫലത്തില് നിന്നാര്ക്കുമേ
മോചനമില്ലെന്നുചൊല്ലിടുന്നു
എങ്കിലും കഷ്ടമീ കര്മ്മപാശം തന്നില്
മാനുഷരെന്നും വലഞ്ഞിടുന്നു
കര്മ്മത്തിലാണുപോല് നമ്മള്ക്കധികാരം
കര്മ്മഫലങ്ങളിലല്ലേയല്ല
കര്മ്മഫലങ്ങളില് ബദ്ധമായ് മാനസ-
മെന്തിനുപിന്നെയും തേങ്ങിടുന്നു
കര്മ്മം വെടിവതും നല്ലതല്ലെന്നതും
ശാസ്ത്രങ്ങളൊക്കെയുമോതിടുന്നു
കര്മ്മത്തെയല്ല ഫലങ്ങളെയാണത്രെ
എന്നുമേ വര്ജ്ജിക്കവേണ്ടതായി
No comments:
Post a Comment