നാവിന്റെ തുമ്പിലുണരുന്ന വാക്കിന്റെ
മധുരവും നാവെന്തറിവൂ
മാധുര്യമൂറുന്ന ഗാനമുതിര്ക്കുന്ന
കണ്ഠമീ മധുര്യമെന്തറിവൂ
മാധുര്യമല്ലത്
മോഹം പരത്തുന്ന
മായതന് മാസ്മരനാദമല്ലോ
നാവിന്നുമപ്പുറം
കണ്ഠത്തിനപ്പുറം
എന്നും മിടിക്കുന്ന ഹൃത്തടത്തില്
കാരുണ്യധാരയായ്
ശാശ്വതസ്നേഹമായ്
ഈ ഉലകത്തിന്റെ സ്പന്ദം കേള് ക്കാം
ആ സ്പന്ദനത്തിന്റെ താളത്തില് ചുറ്റുന്നു
ഭൂമിയും ഈരേഴുലോകങ്ങളും
ഡമരുവിന് നാദമായ്
താണ്ഡവനര്ത്തനതാളമായ്
മാറുന്നതീ സ്പന്ദനം തന്നെയല്ലോ
കേള്ക്കൊല്ല നാവിന്റെ ജല്പനമൊന്നുമേ
കണ്ഠത്തിന് ഗാനവും വേണ്ട തന്നെ
ഹൃത്സ്പന്ദനത്തിന്റെ താളം ശ്രവിക്കുക
ഹൃത്സ്പന്ദനത്തിന്റെ താളത്തില് പാടുക
No comments:
Post a Comment